Ginkumpirma it Department of Agriculture 6 nga sa pihak it P150,394,535 nga pagkalugi sa sektor it agrikultura sa Western Visayas bangud sa maeaparan nga pagbaha ku nagtaliwan nga dominggo, nagapadayon nga ensakto ro suplay it bugas sa rehiyon, raya hay base sa Department of Agriculture (DA).
Base pa sa pahayag it taeatapan, 137% nga sapat ro suplay it bugas sa bieog nga Region 6.
Bilang dugang nga bulig sa mga mangunguma, gin-aprubahan man it DA-6 ro P100 milyong budget bilang “quick response fund” para makabakae it dugang nga binhi it paeay, busoe it mais, busoe it gulay, ag iban pa nga mga materyales sa pagtanom.
Base pa sa pinakaulihi nga datos it taeatapan, 11,948 ka mga mangunguma ag manugpangisda sa Region 6 ro naapektuhan it TD Agaton./JIL B. LACSON
