Nagbigay ng ilang mga paalala ang Civil Service Commission (CSC) sa mga kukuha ng civil service exam ngayong linggo, ika-24 ng Abril.
Bukod sa valid ID ay kinakailangang suot ng mga mag-eexam ang kanilang face mask bago pumasok sa testing venue kung saan hinihikayat din ang lahat na magsuot ng face shield.
Kailangan din ipresenta ang vaccination card o digital copy ng mga fully vaccinated examinees habang ang mga hindi naman bakunado o partially vaccinated ay dapat dala ang kanilang negative RT-PCR test result o antigen test.
Samantala, inaasahang nasa 17,840 ang mga mag-eexam sa linggo kung saan pinasisiguro ang kanilang school assignments upang makaiwas sa aberya. || ARGIE ERGINA
