Gisiguro ni Davao City Mayor Sara Duterte-Carpio nga kontrolado pa sa lokal nga pangamhanan ang COVID-19 situation sa dakbayan taliwala sa walay puas nga pagsaka sa local transmission.
Sigon sa Mayor, pinaagi sa cycle of test, trace ug isolation gikan sa pagtumbok sa mga nagpositibong indibidwal kontrolado pa kini sa City LGU.
Nasayrang base sa COVID-19 daily case bulletin as of June 21, 2021, mikabat na sa kapin 4,681 ang aktibong kaso human nadugangan kini og 291 kaso kagahapon.
Sa laing bahin, subling gihingusgan sa opisyal nga maghulat ang syudad sa mando sa Inter Agency Task Force kabahin sa klasipikasyon sa quarantine status sanglit ang Task Force ug Department of Health magdepende matud pa sa assessment base sa ihap sa kaso, positivity rate, hospital bed use, critical care capacity ug uban pa ayha iupgrade sa enhance Community Quarantine.
Sa pikas bahin, gibutyag usab sa opisyalnga mokabat na sa 453 panimalay; 18 patigayon; unom ka compound ug usa ka eskwelahan ang gipailawum sa lockdown.
Kalabot usab sa sugyot nga 24/7 vaccination drive ang wala pa nahuisgutan gumikan sa mga butang nga angay ikonsidera sama sa mga personahe nga mag-24 hours shifting aron moatiman sa mga magpabakuna lakip na ang availability sa public transportation. BNFM-DAVAO
