Bumaba pa sa 0.67 ang COVID-19 reproduction rate sa National Capital Region batay sa datus ng OCTA research group.
Maliban dito naitala din ng grupo ang 14% na bawas sa positivity rate ng naturang sakit.
Batay sa tala ng OCTA umaabot nalang sa 2,642 ang 7-day average ng mga bagong kaso ng COVID-19.
Ayon kay OCTA fellow Dr. Guido David sa kanilang pagtaya posibleng umabot na lamang sa 1500 hangang 1000 cases per day ang maitatala sa katapusan ng Oktubre.
Una nang sinabi si David na nasa moderate risk na ng COVID-19 ang Metro Manila dahil sa patuloy na pagbaba ng mga naitatalang kaso.
