Ginkatingala sang mga pumuluyo nga malaka nalang ang mga katapo sang City Ordinances and Regulations Enforcement (CORE) Unit nga nagalibot kag nagabantay sa nagkalain-lain nga lugar sa syudad sang Roxas.
Suno kay Ronald Amigo, pinuno sang CORE Unit, sang nagligad nga semana naglaong sa iya ang pila ka mga miyembro nga indi anay mag-duty bangud may gintambungan nga mga graduation kag pila ka mga aktibidad. Aminado man ini nga ginakulang ang iya mga tinawo rason nga wala na sang nagabantay kag nagapangdakop kun gab-i.
Matandaan, sang nagligad nga mga binulan madamo ang nabalhag nga nagkaladakpan nga wala nagasuksok sang helmet, nagapanigarilyo, nagahaboy sang basura kag madamo sang iban pa. | Judy Ann Juare