OPISYAL nang gisugdan ang Cooperative Month ning tuiga, adlawng Sabado Oktubre 1, 2022 sa Oval Gymnasium, sa pagpanguna sa Cooperative Development Authority (CDA), City Cooperative Development Council (CCDC), General Santos Cooperative Federation (GENCOFED), ug City Economic Management and Cooperative Development Office (CEMCDO).
Ang opening ceremony gisugdan pinaagi sa motorcade ceremony aron ipakita ang nagkadaiyang cooperative organizations nga gibahin ngadto sa unom ka managlahing clusters ug gisundan sa programa nga gipahigayon sa Oval Gymnasium.
Mihatag sa ilang messages of support silang Executive Assistant Lou Bernardino nga nagrepresenta kang Mayor Lorelie Pacquiao, ingon man silang Kagawads Virgie Llido nga nagrepresenta kang General Santos City Lone District Representative Atty. Loreto Acharon.
Anaa usab si Kagawad Edgar Acharon, kinsa Chairperson sa Committee on Cooperative, Livelihood, People Empowerment, and Participation, CCDC Chairperson Leonilo Escalada, CDA XII Regional Director Elma Oguis, GENCOFED Chairperson Joeman Trono ug CEMCDO Department Head Dr. Leonard Flores.
Gihatagan og commendation ni CDA-12 Regional Director Oguis commended ang mga organizers sa maong event ug gipasalig kanila nga ang CDA-12 ang padayung mutuman sa mandato niini ug palig-unon ang ilang partnership sa LGU-GenSan.
Ang Cooperative Month usa ka month-long celebration alang sa tibuok bulan sa Oktubre nga may managlahing aktibidad nga giandam sama sa
exhibits, workshops ug mga seminars.
