GIPASALAMATAN ni Mayor Lorelie Pacquiao ang mga magtutudlo ug mga educators sa GenSan alang sa ilang matinud-anong serbisyo ug kontribusyon sa kalambuan sa syudad atol sa culmination program sa World Teachers’ Day.
Ang maong event gi-organisa sa Department of Education o DepEd GenSan isip kabahin sa month -ong celebration sa Teachers’ Month celebration adlawng Dominggo, October 2, 2022 sa Lagao Gym nga may tema nga “Gurong Pilipino, Dangal ng Sambayanang Pilipino”.
Anaa sa okasyon ang mga nag-unang opisyal sa DepEd sa pagpanguna ni Regional Director, Carlito Rocafort, CESO V, SDS Romelito Flores, CESO V, ASDS Carlos Susarno, CESE ug sa mga DepEd GenSan Division Executives, teaching and non-teaching personnel.
Gawas nga gipasalamatan sa mayor ang mga magtutudlo ug DepEd sa ilang suporta sa mga proyekto sa dakbayan, mihatag usab kini og spot cash nga P50,000 alang sa mga magtutudlo aron ilang bahinon.
Nagpa sponsor usab kini og pipila ka raffle prizes.
Si Vice Mayor Rosalita Nunez, girepresentahan ni Kagawad Lourdes Casabuena, nagkanayun nga gustong timbayaon sa bise mayor ang mga magtutudlo sa job well done.
Si Kagawad Virgie Tiongson-Llido nagrepresenta kang General Santos City representative Cong. Loreto Acharon mipadayag nga ang mga Generals labi na sa Education sector misaad og mga mahinungdanong balaudnon nga iduso niini sa Kamara.
