Posibleng maikonsidera na maibilang din sa mga makatatanggap ng special risk allowance (SRA) ang mga contact tracers.
Ayon kay Presidential Spokesperson Sec. Harry Roque, ito ay kung sakaling may ilalaan na panibagong supplemental budget para rito.
Ito ang naging pahayag ng Palasyo kasunod ng rekomendasyon na isali rin ang contact tracer sa mga mabibigyan ng SRA lalo na at malapit din sila sa panganib ng sakit dahil sila ang kumakausap sa mga close contact ng mga pasyenteng nagpositibo sa covid-19.
Mababatid na base sa Bayanihan Law, tanging mga medical frontliners na direktang tumutugon sa covid-19 patients lamang ang makatatanggap ng nasabing benepisyo. //MHEL PACIA-TRINIDAD
