Patay ang isang construction worker at sugatan ang 2 nitong kasamahan matapos matabunan ng gumuhong riprap project sa Barangay Calumpang sa Liliw, Laguna.
Base sa ulat, nagtatayo ng riprap ang mga biktima sa river dam sa lugar nang bigla nalang nagkaroon ng landslide dahil sa tuloy-tuloy na pag-ulan.
Kinilala ang nasawi na si Vijay Estanda Salisod, 36, habang naligtas naman ang dalawa pang construction worker na malubhang nasugatan na sina Joel Apostol Basco, 41, at Eduardo De Chavez Dela Cueva, 59, na kapwa mga residente ng nasabing lugar.
Kasunod nito, inatasan ni Gen. Armamento, Chief of Police ng Liliw, Laguna na i-cordon-off ang lugar at makipag-coordinate sa local government unit (LGU) ng Liliw at Municipal Disaster Risk Reduction and Management Office para maiwasang maulit ang insidente.
