Pinabulaanan ni AKO BICOL party-list Rep. Jil Bongalon na hindi sila namigay ng pera sa mga tao kapalit ng pirma at pagsuporta sa isinusulong na pag-amyenda sa 1987 Constitution.
Paglilinaw ng mambabatas, ang nangyaring meeting ay pagpapatawag na inorganisa ni League of Municipalities of the Philippines Albay Chapter head Mayor Adrian Salceda.
Inimbitahan lang umano sila ng naturang organisasyon bilang resource person.
Maliban dito, pinagtibay ni Bonggalon na walang public funds na inilaan para hikayatin ang publiko na suportahan ang Cha-cha.
