NABUN-OG ang usa ka construction worker human gitabangan og kulata sa duha ka tawo sa Purok Mahayahay, Barangay Bagacay, Alabel, Sarangani Province gabi-I sa Hulyo 14 sa kasamtangan nga tuig.
Ang biktima naila sa pangalan nga si Vicente Gapol, 45-anyos ug nagpuyo sa Purok Mahayahay.
Nabun-og ang iyang nawong, liog ug ubang bahin sa kalawasan human gikulata ug swerte lang nga nakapangayo og tabang.
Ang gitudlo nga nangulata silang Rock Malid ug alyas Arjay nga sumala pa nagpuyo sa Purok Acasia.
Sumala pa nga nag tan-aw og TV sa ilang silingan ang biktima unya nilingkod sa bangko, niagi ang duha ka suspek nagsindi og sigarilyo apan gikulata ang biktima.
Gumikan niini plano sa biktima nga mopasaka og kaso sa duha ka suspetsado. I Ver Diazon
