Gipusil-patay ang usa ka construction worker kagahapon sa alas-4:40 sa hapon sa may Purok Sto. Nino, Brgy. Cuambogan, Tagum City, Davao del Norte.
Ang biktima nailang usa ka Hibir Alba Orig, 26-anyos, ug residente sa Purok Maharlika, Brgy. Cuambogan.
Nasayran nga pauli na unta ang biktima gikan sa iyang trababho sakay sa iyang motorsiklo sa dihang kalit na lamang kining gipusil sa wala pa mailhing suspek.
Narekober sa crime scene ang lima ka bala sa wala pa matino nga matang sa armas.
Padayon usab ang gihimong imbestigasyon sa Tagum Police kalabotan sa pagpamusil.
