Construction worker, dakop sa isinagibong drug buy bust operation kan Manito MPS

LEGAZPI CITY – Dakop an sarong construction worker na si alyas Alvin, 25 anyos residente kan Barangay 17, Ilawod, Legazpi City sa isinagibong drug buy bust operation kan mga personahes kan Manito Municipal Police Station (MPS) sa Barangay It-Ba, banwaan kan Manito, Albay.

Segun sa report, pinabakalan kan suspek an poseur buyer nin sarong pakete nin pinagtutubudang shabu kun sain tulos man na kuminagat sa paon an suspek. Kan magkaabutan na nin items tulos man inarestar an nasambit na suspek.

Narekober pa saiya an duwa pang sachet na pigtutubudang shabu asin non drug items na nakalaog sa sling bag na itom.

Segun man sa suspek nagpasiring sana subuot sya sa lugar tanganing magkua nin orig kaiba an saiyang kabistado na si alyas junjun, alagad nawara sana subuot ini sa lugar.

Sa ngunyan, kapot na an suspek kan Manito MPS para sa magkakanigong disposisyon.

Leave a Reply

Your email address will not be published. Required fields are marked *