LEGAZPI CITY – Dai uyon si Albay 1st District Representative Cong. Edcel Lagman sa dai tulos pag-transmit kan House Bill No. 9349 o “An Act of Reinstituting Absolute Divorce”, na siya mismo an principal author, sa Senado, dawa aprubado na ini sa pantulo asin ultimong pagbasa sa Kamara.
An rason kaya na dai tulos ini nai-trasmitt sa Senado, an pag-correct kan affirmative votes sa 131 hale sa 126.
Alagad sinabi ni Lagman sa surat niya kay House Secretary Hon. Reginald Velasco na dai naman dapat halaton an correction huli ta dawa arin man sa duwa kontra sa 109, nasa affirmative votes man giraray an mayorya kan mga nagboroto sa quorum, asin dai kabala an mga abstentions.
