LEGAZPI CITY – Pigsiyerto kan lokal na gobyerno kan Legazpi City na preparado na sinda para sa papaabot na Private Schools Athletic Association (PRISAA) 2024, kun sain an syudad an magigin host.
Segun kay City Mayor Geraldine Rosal sa intrevista kan Brigada News FM Legazpi, masasabi niyang handa na huli ta dati namang nag-host an syudad para sa Palarong Bicol, asin kadaklan kan mga billeting schools na ginamit sa Palaro, iyo man an gagamiton sa PRISAA, alagad magkakaigwa man ki mga additional kun sain posibleng makakaabot sa Daraga an billeting.
Dugang pa kan alkalde, pasalamat man siya huli ta bukas an Bicol University huli ta ini an kadalasan nagigin venue para sa anuman na mga sports activities.