Inihayag ng Philippine Genome Center (PGC) na mayroon nang community transmission ng Delta variant ng coronavirus sa Pilipinas, dahil sa dami na ng kaso ng virus na hindi alam kung saan nagmula.
Palagay ni PGC Executive Director Dr. Cynthia Saloma, may kinalaman ang Delta variant sa pagtaas ng mga kaso ng COVID-19.
Kahapon nang magtala ang bansa ng bagong all-time high 17,231 na mga bagong kaso ng COVID-19, dahilan para sumipa ang nationwide tally sa 1,807,800.
Matatandaan na huling naitala ang highest daily increase sa 15,310 noong April 2.
Sa ngayon, nasa 123,251 pa ang kabuoang active cases. // MHEL PACIA-TRINIDAD
