Malampusong napahigayon sa “WHO CARES, WE CARE”-Pabebe Hoopers Mati City MWF Ball Club ang Community Outreach Caravan sa Bliss Elementary School dili palang dugay.
Dul-an 500 ka benepisyaryo ang nakapahimulos sa mga nagkalain-laing serbisyo diin kini gilangkuban sa mga miyembro sa Purok, magtutudlo, estudyante ug Women’s Sector sa Barangay Sainz, Mati City.
Ang caravan gitumong sa paghatag ug daghang serbisyo, ingon man suplay ug SMILES sa nasangpit nga komunidad pinaagi usab sa pakig alayon niini sa City Health Office ning siyudad, LGU Mati, Probinsyal nga panggamhanan ingon man mga pribadong indibidwal ug organisasyon.
Lakip sa mga serbisyong natunol gilangkuban sa libre nga medical check-up (mga hamtong ug bata), libre nga bitamina ug tambal, libre nga pagputol sa buhok ug kolor sa buhok, school supplies ug office supplies, rice assistance, libre nga “arroz caldo”, ingon man livelihood assistance.
