LEGAZPI CITY – Piglalaoman ngunyan na bulan nin Pebrero na masagibo nin final inspection an Commission on Higher Education (CHED) Bicol asin an lokal na gobyerno kan Sto. Domingo sa Sto. Domingo Community College.
Segun kay Mayor Jun Aguas, sa oras na maipasar an final inspection, maako na sinda nin enrollees sa bulan nin Mayo o Hunyo.
Boot sabihon, pormal nang mapuon an 1st semester sa naumbitang institusyon.
Sa ngunyan, an saindang bubuksan na kurso iyo an IT o computer courses.
Paliwanag kan alkalde kun nata iyo muna ini an tinawan nindang atensyon, base kaya sa saindang assessment o research, an nasambit na courses an may dakol na demand sa trabaho.
Tinawan-doon pa kaini na prayoridad kan lokal na gobyerno na mag-ako sana ki 200 enrollees asin nag-iistar sana sa banwaan.
