Nakapagproseso na ang Commission on Elections ng 348,349 na aplikasyon sa unang linggo ng pagbabalik ng voter registration para sa 2025 midterm polls.
Ayon kay Comelec Chairman George Garcia ang naturang mga aplikasyon ay natanggap mula Pebrero 12 hanggang 17.
Bukas ang rehistrasyon ng mga botante hanggang Setyembre 30.
Bukod sa aplikasyon para sa bagong rehistrasyon, tumatanggap din ang Comelec ng mga aplikasyon para sa paglipat ng rehistrasyon mula sa ibang lungsod, paglipat ng pagpaparehistro mula sa ibang bansa patungo sa lokal, pagbabago ng katayuan, at muling pagsasaaktibo.
