MADAYON ang ipahigayon nga Election Registration Board hearing sa Comelec Gensan, Nobyembre 11 sa kasamtangan nga tuig.
Sa kumpermasyon gikan kay City Comelec Officer Atty. Sittie Shatmaine Papandayan Garangan siya ug ang taga Deped ug Local Civil Registrar subling magtagbo alang sa ERB hearing, Nobyembre 11 tuig 2021.
Ang mapailawom sa hearing ang mokabat sa 8,772 ka mga registrants sugod Oktubre 11 hangtud 30 sa gipalugwayan nga voters registration.
Sa mga ulahing nagparehistro wala usab nadawat nga petisyon ang Comelec kon adunay supak sa ilang pagparehistro.
Gidugang ni Garangan nga lima ka adlaw ang hearing gumikan sa kadaghan sa mga registrants kon dili nila mahuman sa usa lang ka adlaw.
Ang 8,772 ka botante madugang unya sa kapin 300,000 ka mga botante sa syudad sa Heneral Santos. ( Ver Diazon)
