NAKADEPENDE sa daghan vaccination drive sa LGU ang pag-ubos sa Covid-19 cases sa General Santos City. Kini ang gibutyag ni Dr. Fidel Peñamante, Presidente sa Philippine Medical Association (PMA) GenSan- Chapter. Hinungdan sa panawagan niini sa publiko nga magbakuna aron maprotektasyonan ang lawas batok sa virus.
Gihingusgan ni Peñamante kinahanglan nga pagpabakuna labi na karon nga gipaluag na sa gobyerno ang mga health protocols. Sa karon naa pa lang sa 136,200 katao sa GenSan ang fully vaccinated samtang naa sa 172,822 ang nakakuha sa unang dose.
Ang dakbayan ang dunay 459,732 target population aron makab-ot ang population protection batok sa virus. Tungod sa padayong pag-ubos sa kaso sa Covid-19 gipailawom na ang GenSan sa GCQ hangtud sa katapusan sa Nobyembre.
Ang Soccssksargen region asa kabahin ang GenSan ang gipailawom na sa low-risk area. Kini ang rason sa pag-anunsiyo sa LGU sa dakbayan sa pagpaluag sa mga protocols nga gipatuman. Gikan atong 2020 misaka sa of 14,068 ang kinatibuk-ang kaso sa virus, 539 related deaths ug 13,367 recoveries. ( Richel Gubalani)
