Inaprubahan ng Commission on Elections (Comelec) ang bonus para sa kanilang mga empleyado bago ang May 9, 2022 elections.
Ayon kay Chairperson Saidamen Pangarungan, inaprubahan nila ang Employee Development Assistance na binubuo ng 1 month bonus para sa lahat ng kanilang regular employees, kung saan inaasahang matatanggap ito ngayong buwan ng Abril.
Dagdag ni Pangarungan, ang augmentation ng transportation at communication expenses para sa mga Election Officers para sa period ng anim na buwan ay saklaw rin ang Barangay Elections sa December 2022.
Sinabi ng poll chief na, inaprubahan ito ng Commission En banc,para mabasawan ang epekto ng fuel increases sa mga election officers.
Maliban dito, inaprubahan rin ng poll body ang pansamantalang pagsuspende sa biometrics o automated attendance system upang patuloy na makapagtrabaho ang mga empleyado sa field nang hindi na kinakailangan na bumalik sa opisina para mag-punch in ng kanilang attendance.
