Nakit-an it sangka manugpanuway ru 2 ka bungo it tawo nga naka butang sa balde ag gin eobong sa maeotay nga eogta sa Brgy. Pagsangjan, Banga, Aklan.
Suno kay Jeofry Natalio, sa legal nga edad, residente it nasambit nga lugar ang manug panuway, uwa man it nadueang tinuga sa andang barangay.
Nagapati si Natalio nga gin daea eamang ru mga biktima halin sa ibang lugar ag gin eobong.
Makit-an sa video footage it BRIGADA News FM Kalibo nga magka separar nga gin butang sa sueod it daywang baldeng kulay itom ru daywa man ka mga bungo ag gin eobong sa sangka abandong lugar.
Samtang, padayon pa sa makaron ru maid-id nga imbistigasyon it Banga Municipal Police Station.//MARIVIC Y. ILIN
