GIHULAT sa commission on elections (Comelec) sa Soccsksargen ang resulta sa security assessment sa kapulisan, bag-o mahimo og listahan sa mga “areas of concern,” o election hot spots, alang sa Barangay ug Sangguniang Kabataan Elections (BSKE).
Rekomendasyon sa kapulisan ang mahimong basehan sa himoong aksyon kalabut sa deklarasyon, butyag ni Atty. Jose Villanueva, assistant regional director sa Comelec-12. Ang pamahayag ni Villanueva ang dungan sa pag-angkon sa hepe sa Maitum Municipal Police Station sa Sarangani nga dunay walo ka barangay ang gikonsidera nila karong naa sa areas of concern.
Sa bahin ni Police Brig. Gen. Jimili Macaraeg, regional director sa Police Regional Office (PRO) 12 mag-convene pa ang Regional Joint Security Control Center (RJSCC) alang sa posibleng deklarasyon. Ang nasud ang dunay klasipikasyon sa areas of concern ug kini ang dunay upat ka kategorya nga mao ang — green, yellow, orange ug red.
Makonsidera ang barangay nga areas of concern kung kini history sa election-related incidents, possible employment sa partisan armed groups, politically motivated election-related incidents ug uban pa. I Richel Gubalani
