MALAMPUSON ang Comelec Gensan sa ulahing sattelite registration nga gipahigayon sa Barangay Tambler ug Barangay Sinawal samtang sa tibuok bulan sa Septembre motutok sila sa mall registration.
Sa pahayag ni Gensan Election Officer Atty. Sittie Sharmaine Papandayan Garangan, 718 ang ilang nadawat nga aplikasyon sa Brgy.Tambler samtang 780 sa Barangay Sinawal.
Sa tibuok bulan sa Septembre sa Robinsons Mall sila magrehistro kay mas lapad, hapsay ug hamugaway alang sa mga magparehistro.
Ang ilang oras sa pagrehistro alas otso sa buntag hantud alas 7 sa gabei Lunes hangtud Biyernes samtang sa adlaw nga Sabado ug holidays nagasugod alas otso sa buntag hantud alas 5 sa hapon.
Ang tambag ni Atty. Garangan sa wala pa nakarehistro mag- download sa internet og form, i fill-up na daan aron dili na magdugay sa pila. ( Ver Diazon)
