GINAPA-APRUBAHAN pa sa Comelec Gensan ngadto sa City Health Office ang ilang pagpadayon sa satellite registration sa mga barangay gumikan sa padayon nga pagtaas nga kaso sa COVID-19.
Sa pahayag ni Ellection Officer 4 Anwar Paidumama niagi gayod sila sa pagtugot sa City Health Office aron makasiguro bag-o magpahigayon sa sattelite registration.
Ang resolusyon sa Comelec Central Office kinahanglan magpahigayon og sattelite registration ang Comelec aron maapas ang pag rehistro sa katawhan alang sa 2022 Ellection apan adunay kondisyon sama sa pag-apruba sa City Health Office o kaha sa mga Local Inter Agency Task Force Against COVID-19 nga nagapamatuod nga na-contain na ang pagkatag sa virus sa usa ka Barangay.
Kahibaluan nga nahuman na ang satellite registration sa Brgy. Bawing nga naka- 900 ka Registrants, sa Brgy. Baluan- 663 , sa Brgy. Olympog- 369 ka registrants sa bana-bana anaa na sa duha ka libo ang nadawat nga aplikasyon sa sattelite registration.
Human sa Barangay Katangawan plano sa Comelec GenSan nga isunod ang uban pang barangay ug ang alang sa taga Barangay North, South West ug East ipahigayon kini sa Robinsons Mall sa September 20-24 apan ilaha pa nga ginahangyo kon mapasayo aron mas daghan pa ang ilang marehistro basta masunod lang ang health protocol. ( Ever Diazon)
