LEGAZPI CITY – Liwat na tinawan-duon kan Commission on Elections (COMELEC) Bicol na matoninong asin matrayumpo an pagkondusir kan eleksyon sa barangay asin Sangguniang Kabataan sa ibong kan mga nareresibe nindang reports asin reklamong may kinaraman sa premature campaigning asin vote buying.
Katakod ini kan nagin statement kan Diocese of Legazpi dapit sa saindang pagkadismaya sa komisyon na dai su boot kaini pinanindugan an mga tinuga sa pagkontra sa pagbalgar kan mga election rules.
Sinabi ni COMELEC Bicol Regional Director Atty. Ma. Juana Valeza sa Brigada News FM Legazpi na ginibo ninda an gabos nganing malabanan an mga ini.
Alagad aminado man sinda na may mga nagtataong impormasyon sa mga imbwelto.
Segun kay Valeza, dakukon sindang nareresibe alagad wara man nin nagkukusog-boot na magreklamo o magtao ki makukusog na ebidensya.
Dai man kaya sinda pwedesir na basta-bastang magsangat nin kaso hangga’t wara nin mga ebidensya huli ta igwa man nin due process.
