LEGAZPI CITY – Ikaduwang aldaw na kasuhapon an mandatory training para sa mga nanggaranang opisyales kan Sangguniang Kabataan sa banwaan kan Bacacay na ikinondusri sa BECS Evacuation Center.
Maabot man sa 130 na SK Chairman asin kagawan an nag-atendir sa nasambit na aktibidad.
Obheto kaini na maaaraman an importansya kan SK sa barangay orog na duman sa mga wara nin ideya sa pagmamanehar.
Dakulang tabang su boot an pagsairarom sa mandatory training huli ta tutukduan sinda kun ano an dapat gibohon orog na sa pagmanehar kan budget sa barangay.
Apwera kaini, tatabangan man sinda kun ano an magiging maray na proyekto sa barangay.
Padagos man ining matao nin giya sa mga opisyales na mapararom an saindang kaaraman sa pagpapadalagan sa barangay asin pagigin lider kan mga jovenes sa komunidad.
