Giniit ng Commission on Elections na kuwalipikado pa ring tumakbo sa 2025 Midterm Elections si Bamban, Tarlac Mayor Alice Guo.
Paliwanag ni Comelec Chairman George Garcia, hindi maaaring pagbawalan ang isang lokal na opisyal na tumakbo sa halalan hangga’t walang pinal na hatol ang korte.
Ayon pa kay Garcia kapag na-suspende ang isang opisyal hindi ito final conviction o judgement sa isang kaso.
Nauna nang inirekomenda ng DILG sa Office of Ombudsman ang pagsuspinde kay Guo dahil sa posibleng pagkakasangkot sa iligal na operasyon ng POGO sa kanyang bayan.
