GIINSPEKSYON sa otoridad ang establisimento nga namaligya og surplus nga sakyanan sa National Highway, Barangay Apopong, GenSan.
Matud ni Police Lt. Col Ernor Melgarejo, labaw sa Criminal Investigation and Detection Group (CIDG) Sarangani- GenSan.
Gisulod nila ang Jan Japan Surplus dungan sa reklamo nga papel lang ang resibong ginahatag sa costumer nga nakapalit og sakyanan.
Sa inspeksyon, nasuta nga gikan sa pananghid nga spare parts lang ang gibaligya, nasayran nga nag-assemble na usab kini og sakyanan.
Wala usab nakita nga fire hydrants ang Bureau of Fire Protection (BFP) sa usa ka dako nga negosyo.
Sa bahin ni Geraldine Zamora, executive assistant sa City Mayor’s Office giangkon niya nga walay business permit ang maong establisimento. Tungod sa problema sa luna nga gitukoran sa maong establisimento. I Richel Gubalani
