LEGAZPI CITY – Nakatalaan na magsagibo an Commission on Elections (COMELEC) Albay ki mga information drive campaign para sa mga bakwit kan Bulkan Mayon na maboto ngunyan na maabot na eleksyon.
An naunambitan nang information drive campaign nagmamawot nin impormasyon sa mga evacuees manungod sa mga contingency plans para sa 2023 Philippine barangay and Sangguniang Kabataan elections na isasagibo sa maabot na Oktubre 30, 2023.
Pigkumpirmar man ni COMELEC Albay Election Supervisor Atty. Ma. Aurea Bo-Bunao na igwa na sinda nin nahihiling na mga alternatibong voting centers.
Igwa man nin pigsasagibong koordinasyon an COMELEC Albay sa Department of Education para sa paggamit kan mga classrooms sa maabot na eleksyon.
Sinabi man ni Bunao na magiging maigot an koordinasyon kan saindang opisina sa manlaen-aen an ahensiya de gobyerno.
