Comelec-12 ‘quota’ na sa voters registration

NAKAB-OT na sa Commission on Election (Comelec) 12 ang punting nga numero sa botante dungan sa nagpadayong voters registration. Kini ang gibutyag ni Atty. Jose Villanueva, Assistant Regional Director sa Comelec-12.

Matud niini, naa lang sa 5% sa existing registered voters ang ilang target apan naabot na kini karon sa 7% partikular na sa GenSan. Dili sama sa ubang lugar sa nasud nga naundang ang voters registration tungod sa pagsaka sa quarantine classification gumikan sa Covid-19.

Sa Soccsksargen, nagpadayon ang pagpa-rehistro nga gawas sa mga buhatan sa Comelec, nagbutang sila og sa registration sa mga malls.

Sa 2019 local ug national midterm elections, naka-post ang rehiyon og naa sa 2,431,265 registered voters nga dunay increase nga 345,153 gikan sa 2,086,112 atong 2016 election.

Sakop sa Comelec-12 ang probinsiya sa South Cotabato, Sultan Kudarat, Sarangani ug North Cotabato, lakip ang siyudad sa GenSan, Koronadal, Tacurong ug Kidapawan. Samtang, giklaro niini nga gibasura sa en banc ang petisyon sa paglugway sa deadline sa registration aron dili maapektohan ang pagpangandam sa eleksyon. (Richel Gubalani)

Leave a Reply

Your email address will not be published. Required fields are marked *