CAMARINES NORTE- Nagpaalala sa lahat ng mga mamamayan pati na rin sa mga dayuhan at turista na magtutungo sa probinsya ng Camarines Norte ang Camarines Norte Police Provincial Office
Ito’y bunsod na rin ng mga sunod-sunod na aksidente na naganap nitong nakaraang semana santa
Ayon kay CNPPO Provincial Director PCOL JULIUS D GUADAMOR, gawin ang dobleng pagiingat para sa mga sarili lalo na ngayong patuloy na nagdadagsaan ang mga tao upang magtungo sa magagandang tourist spots sa probinsya
Dagdag ng opisyal, hindi sila magsasawang magpa-alala na sumunod ang lahat sa mga batas trapiko at ibayong pag-iingat sa sarili ang gawin.
Payo rin nito sa mga maliligo sa mga swimming pools, mga ilog at lalo na sa dagat, iwasan na pumunta sa malalim na bahagi lalo na at hindi kabisado ang lugar.
Habang sa mga magulang tiyakin ang patnubay at gabay sa kanilang mga anak at sa mga kasamang kabataan.
Sa mga maglalakbay naman na sa mga lokal na turista at iba pang dumarayo sa probinsya, hiniling ni Guadamor na sumunod ang mga ito sa mga dapat at hindi dapat gawin at sa mga paalala upang makaiwas disgrasya.
Hingiin rin nito ang gabay ng Poong Maykapal sa pang araw-araw na pamumuhay at paglalakbay.
