GIKUMPERMA sa Manager sa Metro Gensan Transport Cooperative nga anaa na karon sa 50 porsyento sa ilang mga unit ang naga-undang og pasada sa mga oras nga hinay ang pasahero.
Sumala kay Orly Sabelita ang epekto niini sa mga sumasakay nagadugay ang paghulat og sakyanan nga masakyan kay wala naman nila nasunod ang duha hangtud tulo ka minutos nga interval.
Ang rason daw sa adjustment sa ilang byahe walay lain kondili sa grabe nga pag usbaw sa presyo sa gasolina.
Samtang ilaha na nga gipatuman ang may kalabotan sa usbaw pletihan gikan sa P11 sa unang upat ka kilometros nahimo na karon nga P13, samtang sa non aircon nga ejeep ang succeeding kilomter P1.50 samtang kon may aircon P2 ang dugang.
Samtang aduna pa silay gipangayo nga pagpaklaro gikan sa Land Transportation Fracnchising and Regulatory Board (LTFRB) kalabot sa pletihan sa ejeep kay parihas lang nga P13 ang unang upat ka adlaw kay unta naa daw sa P15 ang dili aircon. I Ver Diazon/ BNFM GenSan
