Iginagalang umano ng Sangguniang Panlungsod ng Puerto Princesa ang naging desisyon ni City Mayor Lucilo Bayron na hindi inaprobahan na gawing drop off point ang banga area sa brgy. Sta. Lourdes.
Ayon kay Councilor Nesario Awat, ikinonsidera ni Mayor Bayron ang mga dahilan sa hindi pag-aproba dito tulad ng kautusan ng department of transportatioan na dapat ay centralize ang Public terminal sa lungsod.
Isa pang nakikitang dahilan sa hindi pag-sang ayon sa hiling ay maaari na rin kasing magbaba ng pasahero ang mga sasakyan sa banga area kung hindi didiretso sa bagong terminal.
Sa kabilang banda, kapag mayroong special pass ang mga pampublikong sasakyan tulad ng van ay maaari na silang magbaba ng mga pasahero sa labas ng Irawan terminal.
