Nilinaw ng Department of Trade and Industry (DTI)-Sorsogon na hindi kasama ang mga christmas decorations sa kanilang minomonitor.
Sa panayam ng Brigada News kay DTI Sorsogon Consumer Protection Head Dory Laguna, sinabi nito na kung mayroon man silang binabantayan pagdating sa mga palamuti tuwing holiday season ito ang mga christmas lights.
Ayon dito, kailangan umano ito upang matiyak na ang ibinibentang produkto ay dekalidad at ligtas at naaayon sa Philippine National Standards o PNS kung saaan ang basehan nito ay mayroong Philippine Standard (PS) Quality and/or Safety Mark o Import Commodity Clearance o ICC Sticker.
Kaugnay nito, pinayuhan ni Laguna ang mga mamimili na sa pagbili ng mga kahalintulad na produkto ay suriin ito sa pamamagitan ng pagtingin kung mayroong nakalagay na BPS o ICC sticker.
