GIAWHAG sa GenSan City Health Office (CHO) ang publiko nga magbinantayon sa gitawag nga ‘WILD’ o water-borne, influenza ug leptospirosis ug dengue diseases.
Ang pahimangno ni Dr. Karl Ivan Igrobay, assistant department head sa CHO nga nakatala ang siyudad og triple sa kaso sa dengue ug uban pang water-borne diseases.
Kinahanglan usab nga siguradohon nga limypo ang tubig nga gina-inum aron malikayan ang diarrhea. Kung dunay sintomas sa maong balatian, gilayong moadto sa health center aron nga mahatagan og igong atensyon.
Kung mapasagdan ang diarrhea magresulta sa kamatayon gumikan sa dehydration. Samtang dili kalimtan nga mag-inum og walo ka baso o kapin pa sa tubig kada aron aron makalikay sa dehydration. I Richel Gubalani
