Aksidenting nag banggaan ru ceres bus ag dump truck matapos mag over take sa national high way it Brgy. Odiong, Altavas, Aklan kahapon.
Sa report it Altavas MPS, gina maneho ru dump truck ni Zhedric Gervacio, 44 anyos it Brgy. Pampango, Libacao, Aklan.
Samtang ru ceres bus hay gina maneho man ni Jerson Ponesto, 43 anyos it Brgy. Bungsuan, Dumarao, Capiz.
Naka angkon it kasamaran ru kilid nga portion it ceres bus matapos mag overtake ru dump truck kat maka subeang it saeakyan dahilan para bumalik sa linya ag gin tunaan it pag ka bangga.
Samtang, parehong gin imbita it Altavas MPS ru daywang ka mga driver para sa naga kaigo nga disposition.//MARIVIC Y. ILIN
