GIPAHIGAYON na ang ceremonial groundbreaking alang sa Queen Tuna Park Redevelopment Project adlawng Martes, Setyembre 26.
Gipangunahan ni Mayor Lorelie Pacquiao kauban si Barangay Kapitan Rock Garay sa Barangay Dadiangas South.
Kauban usab sa maong ceremonial groundbreaking si Engr. Emerald Signar ug CEMCDO Head Dr. Leonard Flores.
Anaa usab sa maong seremonya ang mga konsehal sa GenSan sama nilang Konsehal Elizabeth Bagonoc, Virginia Llido, ug Edgar Acharon, Engr. Teodorico Dumagan, nga nagrepresenta kang Cong. Loreto Acharon, CENRO Head EnP Allan Marcilla, UAP-SOX, DENR ug uban pang stakeholders.
Ang P20 million nga redevelopment project gilangkuban sa construction sa bay walk, recreation and activity areas, parking spots, ug ubang amenities.
