LEGAZPI CITY – Nakuhaan nin badil asin ilegal na droga an sarong cellphone technician sa Brgy. Tula-Tula, Legazpi City.
Sa isinagibong gun bust operation kan Legazpi PNP, nasakote an suspetsadong binistong si alyas “Mar”, residente kan Brgy. East Washington Drive kan parehong syudad.
Sa operasyon, nakua saiya an improvised shotgun, sarong magazine asin singko mil de pesos na kantidad nin buy-bust money.
Nakuwa man an sarong pidaso nin heated plastic transparent sachet nin white pinagtutubudang “shabu”.
Nahahampang an suspetsado sa mga kasong pagbalgar sa Akta Republika 9165 o Comprehensive Dangerous Drugs Act of 2002 asin Akta Republika 10591 o Comprehensive Firearms and Ammunition Regulation Act mantang nasa kustodiya na ini kan Legazpi PNP para sa dukumentasyon asin magkakanigong disposisyon. | Brigada Intern EUGENE ROTIAN
