Miabot na sa 123,851 ang kinatibuk-ang ihap sa covid-19 vaccine doses nga nagamit sa pagpamakuna ngadto sa mga residente sa Syudad sa Sugbo gikan Marso 24, 2021 hangtod Hulyo 12, 2021.
Kini basi sa dataus gikan sa Cebu City Vaccination Operations Center .
Nasayran nga hangtud karun, padayon gihapon ang pagpahigayon og pagpamakuna sa mga residente sa dakbayan sa Sugbo sa tanang vaccination sites.
Niining kasamtangan, unom na ang vaccination site sa syudad sa Sugbo nga gilangkuban sa University of Cebu Senior High School Department sa Barangay Banilad, University of Cebu Senior High School Campus sa J. Alcantara St., Robinsons Galleria, SM Seaside City Cebu, NOAH Complex, ug ang bag-o nga abli nga vaccination site nga anaa mahimutang sa Ayala Center Cebu.//
