Inihayag ng OCTA Research na nasa “critical risk,” ang Cagayan de Oro city, matapos magtala ng critical levels sa infection rate, intensive care unit (ICU) utilization at positivity rate.
Batay sa latest monitoring report, ang new daily average ng COVID-19 cases sa CDO mula July 18 hanggang 24, ay tumaas sa 117.
Ito umano ay 109 percent na mas mataas kumpara sa nakaraang linggo na 56 average cases.
Maliban dito, ang infection ay tumaas sa 1.54 percent, ICU utilization rate sa 85 percent, at 24 percent sa testing positivity rate.
Noong July 16 nang kumpirmahin ng Department of Health ang 16 na kaso ng Delta variant, kung saan lima dito ay nadetect sa Cagayan de Oro City. //MHEL PACIA-TRINIDAD
