GIAWHAG ni Elmer V. Catulpos ang President/CEO sa Brigada Group of Companies ang mga migradwar sa Pacific SouthBay College nga mangandoy sa kinabuhi.
Sa pamulong ni Catulpos sa commencement exercises sa tulunghaan sa Barangay Calumpang dili pa lang dugay.
Gipahimangnoan niini ang mga migradwar sa padayong pagpangandoy luyo sa hagit sa kinabuhi.
Dili mahadlok sa kapakyasan tungod ang matag kapakyasan sa kinabuhi mohatag ug kakusog padulong sa kadaugan.
Matud ni Catulpos, wala ang Brigada Group of Companies kung wala siya mi-risgo luyo sa mga hagit nga giatubang sa pagpalambo sa kompanya.
Tambag niini, dili makita ang oportunidad kung wala’y hagit apan dili angayang pilion ang mo-mosurender sa pangandoy.
Kinahanglan nga maningkamot, mobarug ug nanimbasog alang sa pagkab-ot sa pangandoy.
Sama niya’ng gikan sa pobreng pamilya asa hayahay na alang kaniya nga makasul-ob og gihayhay nga sanina sa iyang amahan.
Dugang ni Catulpos, nakita usab niya ang hilabihang antosa iyang amahan aron mahatagan sila’ng managsuon og maayong pamuyo.
Kini ang nahimong inspirasyon niya sa pagpaningkamot luyo sa pagsulay aron mahatag sa iyang pamilya ang maayong kinabuhi.
