NAGA CITY – 100% nang handa ang Camarines Sur IV Electric Cooperative Incorporation para sa Barangay at Sangguniang Kabataan Election 2023.
Katunayan sa panayam kay Rodel Sical, Spokesperson ng CASURECO IV, puspusan ang ginagawang pag-aayos sa mga distribution line, nagkakaroon ng massive clearing upang matiyak na magiging sapat ang supply ng kuryente para sa halalan.
Kung saan ilang barangay na sakop ay pansamantalang makakaranas ng power interruption lalo na sa coastal areas.
Siniguro din ng opisyal na kung magkaroon man ng biglaang pagkawala ng kuryente, nakatitiyak na maaksyunan kaagad lalo na’t nais din mawala ang mga sabi-sabi na nagiging kakontyaba umano ang opisina dahil sa nagkakaroon palagi ng power interruption tuwing halalan.
Ayon pa sa spokesperson, ngayon mas pinaganda at mas pinapatibay ang serbisyo.
