Nangin mainit ang pagbaton sang mga pumuluyo sa banwa sang Cuartero kag Maayon kay Governor Fredenil Castro matapos ang ginhiwat nga distribusyon sang cash for work sang Provincial Govenment.
Kabahin ini sang Risk Resiliency Program-Climate Change Adaptation Mitigation-Disaster Risk Reduction Cash for Training nga ginlunsar sang nagligad lamang nga bulan sang Enero sini lang nga tuig.
Kapin 315 ang mga benepisyaryo sa banwa sang Cuartero kag 385 naman sa Maayon sa nagkalain-lain nga barangay ang nakabaton sang P4,100 nga bulig pinaagi sa anum ka adlaw nga pagpaidalum sa training kag apat ka adlaw nga pagtrabaho,
Tinutuyo sang programa nga mahatagan sang temporaryo nga trabaho kag income ang mga nagakinahanglan nga mga pamilya ilabi na ang kubos kag wala sang estable nga trabaho.//KMD Gicalde
