Hugot nga ginapaandaman sang Capiz Provincial Health Office ang publiko batok sa mga WILD Disease ukon Water and food-borne disease, Influenza, Leptospirosis, kag Dengue ilabi na sa pagsulod sang tag-ulan sa pungsod.
Nahibaluan nga base sa pinakaulihi nga datos gikan sa PHO, nagdangat na sa 610 ang kaso Dengue, samtang walo naman sa Influenza, kag 19 naman ang kaso sang Leptospirosis.
Samtang padayon naman ang panawagan sang ahensya sa mga LGU nga pagatutukan ang mga sanitation permits sang mga establisyemento ilabi na subong nga manog bukas ang klase agud malikawan ang mga food-borne disease kasubong sang hepatitis A kag typhoid fever.
