Ginpahayag ni Mayor Marina Luz Gorriceta it San Miguel, Iloilo nga uwa nanda gina-impon sa sambilog ka kwarto it quarantine facility ro mga COVID-19 positive ag suspected COVID-19 nga mga indibidwal.
Kasunod raya it reklamo it sambilog ka naka-quarantine nga si Mr. Rinj Tutisura.
Base pa sa alkalde, may cubicle ro quarantine facility. Nakataeana ro ground floor sa mga nagpositibo sa nasambitang virus samtang ro second floor man hay nakataeana para sa mga OFWs ag LSIs nga nagahueat pa it andang RT-PCR test results.
Ginsigurado man it Alkalde nga ro mga medical personnel hay nagasuksok it personal protective equipment kung maghiwat it check-up sa mga naka-quarantine.
Sa presente, may ginahiwat nga imbestigasyon ro lokal nga gobyerno sa reklamo ni Tutisura nga uwa segun ginabue-an it temperature ag blood pressure ro mga indibidwal nga sa quarantine facility./JIL B. LACSON
