Nakuha ni Capiz Gov. Fredenil “Oto” Castro ang ikaapat nga pwesto sa “Top Governor” sa Western Visayas base sa Job Performance Rating.
Ini ang base sa “Boses ng Bayan” survey nga ginpatigayon sang RP-Mission and Development Foundation Inc.
Nagpanguna dire si Iloilo Governor Arthur Defensor, Jr. nga nakakuha sang job performance rating nga 92.36%.
Ginsundan ini nanday Aklan Governor Joen Miraflores kag Negros Occidental Governor Bong Lacson nga yara sa second spot nga may scores nga 87.25% kag 86.81%.
Third spot naman si Antique Governor Rhodora Cadiao nga may score nga 82.16%, nagapang-apat si Capiz Governor Fredenil Castro nga may 77.40% samntang nagapanglima naman si Guimaras Governor JC Rahman Nava nga may 73.69%.
Gin-conduct ang survey sang Pebrero 25 tubtob Marso 8, 2023.
Ang RP-Mission and Development Foundation Inc. survey ang isa ka non-commissioned performance appraisal survey. | Judy Ann Juare
