Nangin madinalag-on ang linemen sang Capiz Electric Cooperative Inc. (CAPELCO) nga nagrepresentar sang Visayas para sa Pole Undressing competition sa 2023 National Warriors of Light Summit.
Gindeklara nga over-all champion ang Visayas delegation matapos makuha sang hubon ang lima sa pito ka event competition kaangay sang Pole Climbing- sang Cebu 1 Electric Cooperative; Pole Dressing- Iloilo 1 Electric Cooperative; Knot Tying- Iloilo 3 Electric Cooperative kag Conductor Riding nga nakuha naman sang Cebu 3 Electric Cooperative.
Ang Team CAPELCO ang ginakabug-osan nila Engr. Don D. Baticados, Engr. Junner D. Gonzales, Gerald Condino, Ramil Distura, Rodel Sombilla, Jomar Dipon, Jomar Dipon, Roben Daliva, Benjie Borbon, kag Juniel Avaricio.
Ginhiwat ang ikaduha nga National Warriors of Light Summit sa MORESCO 1, sa banwa sang Laguindingan, Misamis Oriental. | KMD Gicalde
