GIBALIK na sa Island Garden City of Samal kon IGACOS ngadto sa 70% ang capacity sa mga resorts base sa gipalugwa nga Executive Order No. 288 labot sa operational/seating capacity sa resorts sa isla.
Base sa mando mamahimo nang makapasulod o modawat og bisita ang mga resort facilities/ establishments og 70% sa ilang total seating/operational capacity.
Nasayrang sa miaging bulan sa Marso karong tuiga gipaubsan ngadto sa 60% ang kapasidad nunot sa kalit nga pagsaka sa COVID-19 cases sa isla.
Kalabot niini hugot pa gihapong gipahinumdom sa lokal nga panggamhanan ang mga resorts ug establisyemento nga estriktong ipatuman ang health and safety protocols aron dili manubag sa balaod ang mapakyas pagsunod ug pagpatuman niini. BNFM-DAVAO
